శరణు శరణు సురేంద్ర సన్నుత annamayya keertana
శరణు శరణు సురేంద్ర సన్నుత, శరణు శ్రీసతి వల్లభ శరణు రాక్షస గర్వ సంహర , శరణు వేంకట నాయక// శరణు శరణు సురేంద్ర సన్నుత// కమల ధరుడును, కమల మిత్రుడు కమల శత్రుడు, పుత్రుడు క్రమముతో మీకొలువు కిప్పుడు కాచినారెచ్చరికయా// శరణు శరణు సురేంద్ర సన్నుత// అనిమిషేంద్రులు మునులు దిక్పతులు అమర కిన్నెర సిధ్ధులు ఘనతతో రంభాది కాంతలు కాచినారెచ్చరికయా// శరణు శరణు సురేంద్ర సన్నుత// ఎన్నగల ప్రహ్లాద ముఖ్యులు నిన్ను కొలువగా వచ్చిరి విన్నపము వినవయ్య తిరుపతివేంకటాచల నాయకా// శరణు శరణు సురేంద్ర సన్నుత//
