అన్నమాచార్య కీర్తన

ప|| నగవులు నిజమని నమ్మేదా |
     వొగినడియాసలు వొద్దనవే ||
చ|| తొల్లిటి కర్మము దొంతల నుండగ |
      చెల్లబోయిక జేసేదా |
      యెల్ల లోకములు యేలేటి దేవుడ |
      వొల్ల నొల్లనిక నొద్దనవే ||
చ|| పోయిన జన్మము పొరుగులనుండగ |
      చీయనక యిందు జెలగేదా |
      వేయినామముల వెన్నుడమాయలు |
      ఓ యయ్య యింక నొద్దనవే ||
చ|| నలి నీనామము నాలికనుండగ |
      తలకొని యితరము దడవేదా |
     బలు శ్రీ వేంకటపతి నిన్నుగొలిచి | 
     వొలుకు చంచలము లొద్దనవే ||