మావాడి కవిత్వం

                 
ఓ కొత్త జంట ఉరేగుతూంది ,

కొంగొత్త ఆశల   పల్లకిలో ,

సహజీవనానికి పదం  కలుపుతూ  

పెదవి దాటని మందహాసం , 

నవ జీవితం పై కన్న కలలను , 

ఆ కళ్ళలొ మెరిసేటిమెరుపులు,

వర్ణనలకందని  హ్రుదయాల భావాలను

ప్రతిఫలిస్తుండగా  , 

ఆ అనందాన్ని పంచుకుంటున్న సాటివారి మధ్య 

,ఆ కొత్త జంట ఊరేగుతోంది. 

ఓ శవం తన తుది ప్రయాణం చేస్తూంది ,,

ఆ నిర్జీవపు కట్టె   కళ్ళలొ ,

అడియాసలైన ఆశలు  ,

యే భావం లేని  మోములో   తననే నమ్మిన తనవారిని 

మోసం చెసిన అపరాధ భావం ,

ఆగిపొయినా , ఆ గుండె లో జీవం పై మమకారం , 

నమ్మినవాడు నట్టెట ముంచాడనే  నమ్మలేని నిజానికి 

అంత్యక్రియకు జరిపేందుకు 

నా అనే వారంతా నడక మొదలు పెట్టారు 

ఓ ఇరుకు సందులొ ఎదురు పడ్డాయి ఆ రెండూ 

అప్పుడే మొదలైన జీవితానికి ,

ముగిసిపొయిన మరో జీవితం కాసింత దారి ఇచ్చి

తన గమ్యం చూపించింది 

ముగిసిపొయినా తన జీవితం పై 

ఆశ   చావని ఆ శవం కొత్త జంటను చూస్తూ 

కుమిలిపొయింది ,

 తమ ప్రయాణపు  తుది మజిలీ ఎదురుగానే కనిపిస్తున్నా ,

మనసును కమ్మిన మొహపు తెరలు 

ఆ కొత్త జంటను ముందుకు నడిపించాయి