నా తెలంగాణా కోటి రతనాల వీణ( నాగేటి సాల్లల్ల)

                                           నందిని సిద్దారెడ్డి గారి పాట

 పల్లవి         నాగేటి   సాల్లల్ల నా తెలంగాణా నా తెలంగాణా, 

                 నవ్వేటి బతుకుల్ల ,నా తెలంగాణా నా తెలంగాణా

                 పారేటి నీల్లల్ల పానాదులల్ల , పూసేటి పూలల్ల, పునాసలల్ల ,

                 కొంగు సాపిన నేల నా తెలంగాణా నా తెలంగాణా, 

                 పాలు తాపిన తల్లి నా తెలంగాణా.నా తెలంగాణా 

చరణం   ౧. తంగేడు పువ్వుల్లు, తంబాలమంతా , 

                 తీరొక్క రంగుల్లతీర్చినాపువ్వు , 

                 బంగారు చీరలు బాజారులన్నీ 

                బతుకమ్మ పండుగా నా తెలంగాణా  నా తెలంగాణా,

               బంతి పువ్వుల తోట నా తెలంగాణా నా తెలంగాణా

 చరణం ౨. కొత్తా బట్టలు కట్టి కొటీ ముచ్చట్లు ,

               పాలా పిట్టల జుసీ పడుచు సప్పట్లు , 

               జొన్నాకర్రల జెండా జోరున్నదేమి

               అలై బలై తీసే నా తెలంగాణా , నా తెలంగాణా

               జమ్మి ఉంచిన ఆర్తి నా తెలంగాణా నా తెలంగాణా ..

చరణం ౩ .మోటా గొట్టిన రాత్రి మొగీనా పాటా ,

              తాడూబెనిన తండ్రి తలుపులున్నప్పు ,

              కల్లముడ్చిన అవ్వా కలలొనీ గింజా , 

              ఆరుగాలం చెమటా , నా తెలంగాణా నా తెలంగాణా 

             ఆకలి దప్పుల మంటా నా తెలంగాణా నా తెలంగాణా 

చరణం౪. ఏరు  గాచే తల్లీ ఉరిమి జూడంగా, 

              బువ్వాలేని తల్లీ బోనామొండింది,

              సేను కొచ్చిన పురుగు సెరిగీ పోసింది ,

             బోనాలా పండుగా నా తెలంగాణా నా తెలంగాణా, 

             శివ సత్తులా ఆట నా తెలంగాణా నా తెలంగాణా 

చరణం 5 బురుజు గోడల పొగరు మెడలు వంచంగా ,  

              గుట్లల్ల సెట్లల  , గోగు(పుంటి) పువ్వుల్ల , 

              సద్ది మోసిన తల్లి సావు బతుకుల్ల ,

               పానామిచ్చిన వీరా కధలూ పాడంగా,

              గోరువొంకల(తూ ర్పున పొడిచే)పొద్దు ,నా తెలంగాణా నా తెలంగాణా 

              గోరింకలా(పాలాపిట్టల ) సభలు నా తెలంగాణా నా తెలంగాణా