మేలుకొలుపు

శ్రీ సూర్య నారాయణా   మేలుకో 
రవి సూర్య నారాయణా

పుట్టేటి భానుడా  పుష్య రాగపు చాయ 
పుష్య రాగము మీద పొందు బంగారు చాయ   // శ్రీ//

జామెక్కి భానుడా జాజిపూవూచాయ  
జాజి పువ్వు మీద  సంపేగా పువు చాయ  // శ్రీ//

 మధ్యాన్న భానుడా మల్లె పూవూ చాయ
మల్లె పూవూ మీద మంకేనా పువు  చాయ // శ్రీ/

క్రుంకేటి భానుడా  గుమ్మిడి  పువు చాయ
గుమ్మిడి  పువు మీద కుంకుమాపువు  చాయ // శ్రీ/

 ఆయురారోగ్య ముల నిమ్ము ఐశ్వరముల నిమ్ము 
  శ్రీ సూర్య నారాయణా   మేలుకో